Социалдык-философиялык жактан аял феноменинин болмушунун негизделиши

Монография аял феноменин социалдык-философия тармагынан, аялдардын көйгөлөрүн изилдөөгө методологиялык принциптерди, салттык мамилелердин инструментарийлерин жана гендердик мамилелерди пайдалануунун негизинде анализдөөгө арналган. Бул эмгекте аял феноменин болумушунун жана коомдук өзгөрүлөр шарттарында аялдардын багыт алуусунун өзгөчөлүктөрү, ошондой эле реформаланган коомдо аялдардын өнүгүүсү үчүн коомдук саясаттын негизги усулдары жана багыттары иштелген.

Бул эмгек студенттерге, магистранттарга, аспиранттарга жана жогорку окуу жайларынын окуутучуларына багытталган. Ошондой эле, аялдар маселесине жана коомдогу жыныстардын өз-ара мамилелерине кызыккандарга, республикабыздагы гендердик абал жөнүндөгү изилдөөлөрдүн багытын аныктоодо, социалдык философия темасындагы, маданият таануу, психология, этика сабактарын өтүүдө кызыктуу идеялардын жана материалдардын пайдалуу булагы боло алат.